Sintesis ng mga Tula ni Jose Corazon de Jesus

-

 

Sintesis ng Mga Tula ni Jose Corazon de Jesus

Ang "Isang Punongkahoy" ay tungkol sa malapit ng paglisan ng tao. Ito ay nagpapakita ng karanasan at kaisipan nga tao. Dito makikita natin na kailangan nating makidanas at makisangkot sa bayan dahil ito ay ang nagbibigay ng importansya sa buhay. Maging insipirasyon tayo para sa ibang tao upang tayo'y magpatuloy sa pag-unlad ng ating bayan,

Ang "Manggagawa" ay tungkol sa hirap at pawis na dinaranas ng mga manggagawa. Sinasakripisyo nila ang kanilang pawis at dugo sa paghahanap-buhay. Sila ay mga tunay na bayani. Kailangan natin sila bigyan ng halaga at importansya upang makatulong tayo sakanila. Gumawa tayo ng mga batas at patakaran na ikakabuti ng mga manggagawa.

Ang "Buhay ng Tao" ay tungkol sa karanasan ng bawat tao at kanilang mga pinagdadaanan. Isa na dito ang pagtataksil ng mga ibang tao kaya't naman kailangan natin maging matalino sa kung sino ang pinagkakatiwalaan natin. Pinapakita rin dito na huwag natin sayangin ang ating buhay at gumawa tayo ng mabuti hangga't tayo'y may lakas pa. Pag wala tayong nagawa, parang wala na rin silbi ang ating buhay.

Ang tulang "Ang Tren" ay tungkol sa pagdedesisyon para sa ating buhay. May mga iba't ibang kalsada na ating puntahan kaya dapat tayo'y magisip ng mabuti. Ito ay nagpapakita ng paglalakbay ng ating buhay. Pinapakita rin dito na kailangan nating bumalik sa ating pagmamahal sa bayan lalo na sa panahon ng amerikanisasyon. Magbalik tayo sa ating wikang Pilipino.

Ang "Puso, Ano ka?" ay tungkol sa gamit ng puso bilang proseso, unawa, at paglikha. Makikita dito ang importansya ng puso dahil ito ang nagpapakita sa ating pamumuhay, karanasan, at pag-intindi sa buhay natin. Ito ay nagpapakita ng kagamitan ng puso sa pag-unawa ng iba't ibang sitwasyon.

Ang "Pag-Ibig" ay tungkol sa iba't ibang paraan ng paghahatid o pagtanggap ng pag-ibig ng mga Pilipino. Pinapakita dito na ang pag-ibig ay sumasalamin sa pagmamahal natin sa kapwa, bayan, at ang ating sarili. 

Sa pagtatapos, makikita natin na ang mga tula ni Jose Corazon de Jesus ay nagpapakita ng maraming mga turo na maiihahantulad natin sa ating buhay. Magandang tignan natin ang mga mensahe ng tula dahil ito ay makakabuti sa Progresibong Lipunan. 

Comments

Post a Comment

Popular posts from this blog

Kalupi ng Puso by Jose Corazon de Jesus

-
Image
KALUPI NG PUSO Paksa ng Tula :  Ito ay isang tulang padadamdaming tungkol sa damdamin o pagmamahal ng isang tao. Dito makikita natin ang kasiyahan at sakit na nadaranasan ng tao sa pag-ibig. Masarap at masayang magmahal ngunit may sakit rin itong dinadala. Pinapakita dito na dapat maging matalino tayo sa kung sino ang ating mamahalin upang maiwasan tayong masaktan.  Mensahe ng Tula: Ang mensahe na aking nakuha sa tula ay talagang darating ang panahon at punto na hindi natin maisabi ang ating nararamdamang kalungkutan sa iba. Dahil dito, kailangan natin ng isang kasangkapan na maari nating mailabas ang ating nararamdaman. Marami tayong mararanasan na pait at kalungkutan kaya't kailangan natin ng isang  tao o bagay na masasandalan natin kapag tayo'y hirap na upang lumuwag ang ating puso't isipan. Nakita ko rin na huwag dapat nating pagsisihan ang mga nabigong pag-ibig dahil dito tayo natututong lumago at umunlad bilang tao. Maging maunawain tayo sa ating kapwa tao at maging t
Read more

Sa Pamilihan ng Puso by Jose Corazon de Jesus

-
Image
 SA PAMILIHAN NG PUSO Paksa ng Tula: Ang paksa ng tulang ito ay tungkol sa kung ano dapat ang tunay na basehan ng pagmamahalan. Pinapakita dito ang mga epekto and bunga kapag tayo'y sumugal sa pag-ibig gamit ang mga ganito basehan.  Mensahe ng Tula: Kapag nagmahal ka, dapat ito ay tunay na pagmamahal. Wag kang magmamahal na kayamanan lang iyong iniisip dahil ito ay magdudulot lang ng sakit sayo. Magmahal tayo ng tunay, huwag tayo masisilaw sa mga bagay na hindi naman gaano ka-importante katulad ng pera at kagandahan. Nawawala ang mga materyal na bagay ngunit ang tunay na pagmamahal ay laging nandiyan. Hindi dapat natin ito ginagawang basehan kung pano tayo umibig. Ang mensahe nito para sa panlipunan ay matuto dapat tayong magmahal ng tunay para sa bayan. Huwag tayo maging peke sa ating mga kapwa tao at mahalin natin sila ng tunay.
Read more

Ang Pagbabalik by Jose Corazon de Jesus

-
Image
  ANG PAGBABALIK Paksa ng Tula: Ang paksa ay tungkol sa kalungkutang nadarama ng manunulat dahil sa pagkalayo nila ng kanyang asawa. Ito ay dahil sa kanyang hanap-buhay at sa kanyang pagbabalik ay nalaman niyang wala na ang kanyang minamahal,  Mensahe ng Tula: Ang mensahe ng tula na aking nakuha ay naipakita dito ang katangian ng isang Pilipino na lubos magmahal. Pinakita dito paninindigan at tapang ng mga Pilipino sa pagmamahal. Dapat natin tularan ang ehemplo sa tula na ito na ang lalaki ay handang magsakripisyo ng lahat para sa paghahanap-buhay upang magampanan niya ang kanyang pamilya. Kahit pa'y mahirap at nakakalungkot, ginawa niya pa rin ito. Pinanindigan niya na siya ay babalik ngunit sa saknyang pagbalik ay wala na ang kanyang minamahal. Ang mensahe nito para sa panlipunan ay dapat na handa natin isakripisyo ang lahat para sa ating bayan. Gawin natin ang lahat sa ating kakayanan upang makatulong sa ating bayan.
Read more